Tuesday, June 18, 2024
Google search engine
Homekeralaമുസ്​ലിം ലീഗ്​ സംസ്ഥാന വൈസ്​ പ്രസിഡൻറ്​ സി. മോയിൻകുട്ടി അന്തരിച്ചു

മുസ്​ലിം ലീഗ്​ സംസ്ഥാന വൈസ്​ പ്രസിഡൻറ്​ സി. മോയിൻകുട്ടി അന്തരിച്ചു

കോഴിക്കോട്​: മുസ്ലിം ലീഗ് സംസ്ഥാന വൈസ് പ്രസിഡൻറും മുൻ എം.എൽ.എയുമായ സി. മോയിൻകുട്ടി(77) അന്തരിച്ചു. കബറടക്കം ഉച്ചക്ക് ഒരു മണിക്ക് അണ്ടോണ ജമാഅത്ത് പള്ളി ഖബർസ്ഥാനിൽ

1996-2001 കാലയളവിൽ കൊടുവള്ളി നിയോജക മണ്ഡലത്തിൽ നിന്ന്​ വിജയിച്ച്​ നിയമസഭയിലെത്തിയ മോയിൻ കുട്ടി 2001-2006, 2011-2016 കാലങ്ങളിൽ​ തിരുവമ്പാടി മണ്ഡലത്തേയും പ്രതിനിധീകരിച്ചു. താമരശ്ശേരി പഞ്ചായത്ത്​ മുൻ അധ്യക്ഷനായിരുന്നു. മുസ്​ലിം യൂത്ത്​ ലീഗ്​ സംസ്ഥാന ജനറൽ സെക്രട്ടറി, പ്രസിഡൻറ്​, കോഴിക്കോട്​ ജില്ല മുസ്​ലിം ലീഗ്​ ജനറൽ സെക്രട്ടറി, ട്രഷറർ എന്നീ പദവികളും അലങ്കരിച്ചിട്ടുണ്ട്​.

അണ്ടോണ മഹല്ല് മുത്തവല്ലി, ഒടുങ്ങാക്കാട് മക്കാം ട്രസ്റ്റ് പ്രസിഡൻറ്​, താമരശ്ശേരി ടൗൺ കുന്നിക്കല്‍ പളളിക്കമ്മിറ്റി പ്രസിഡൻറ്​, കേരളാ സ്‌റ്റേറ്റ് റൂറല്‍ ഡവലപ്മെൻറ്​ ബോര്‍ഡ് അംഗം, താമരശ്ശേരി സി.എച്ച് സെൻറര്‍ പ്രസിഡൻറ്​, കെ.എസ്​.ആർ.ടി.സി ഉപദേശക സമിതി അംഗം എന്നീ നിലകളിലും പ്രവർത്തിച്ചിരുന്നു.

പിതാവ് : പരേതനായ പി. സി അഹമ്മദ് കുട്ടി ഹാജി. മാതാവ്: കുഞ്ഞിമാച്ച. ഭാര്യ: പയേരി കദീജ. മക്കള്‍: അന്‍സാര്‍ അഹമ്മദ്, മുബീന, ഹസീന. മരുമക്കള്‍: എം.പി. മുസ്തഫ (അരീക്കോട് ), എന്‍.സി. അലി (നരിക്കുനി), യു.സി ആയിഷ. സഹോദരങ്ങള്‍: പി.സി അബ്ദുല്‍ ഹമീദ് (റിട്ട. ഇ.എസ്.ഐ കമീഷണര്‍), പി.സി. ഉമ്മര്‍ കുട്ടി (ഗ്ലാസ് ഹൗസ് താമരശ്ശേരി), പി.സി അബ്​ദുല്‍ റഷീദ് (ആര്‍കിടെക് -കോഴിക്കോട്), അബ്​ദുൽ നാസര്‍ ഓടങ്ങല്‍(വേവ്സ് സലൂണ്‍), ആയിശു നെരോത്ത്, റാബിയ മേപ്പയ്യൂര്‍, നസീമ പെരിന്തല്‍മണ്ണ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com