Wednesday, April 17, 2024
Google search engine
Homekeralaധനകാര്യമന്ത്രി ചെയ്​തത്​ ഗുരുതര ചട്ടലംഘനം; അവകാശലംഘനത്തിന്​ നോട്ടീസ്​ നൽകും -ചെന്നിത്തല

ധനകാര്യമന്ത്രി ചെയ്​തത്​ ഗുരുതര ചട്ടലംഘനം; അവകാശലംഘനത്തിന്​ നോട്ടീസ്​ നൽകും -ചെന്നിത്തല

ധനകാര്യമന്ത്രി സി.എ.ജി റിപ്പോർട്ട്​ ചോർത്തിയെന്നും പ്രതിപക്ഷ നേതാവ്

തിരുവനന്തപുരം: നിയമസഭയുടെ മേശപ്പുറത്ത്​ വെക്കാത്ത സി.എ.ജി റിപ്പോർട്ടിലെ വിവരങ്ങൾ വാർത്താസമ്മേളനം നടത്തി പുറത്തുവിട്ട ധനകാര്യമന്ത്രി ചെയ്​തത്​ ഗുരുതരമായ ചട്ടലംഘനമാണെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. സി.എ.ജി ഇതുവരെ ഒരു റിപ്പോർട്ടുപോലും നിയമസഭയിൽ വെച്ചിട്ടില്ല. സഭയിൽ വെക്കാത്ത ഏത്​ റിപ്പോർട്ടിനെ കുറിച്ചാണ്​ ധനകാര്യമന്ത്രി ​േതാമസ്​ ഐസക്​ പറയുന്നതെന്നും​ ചെന്നിത്തല ചോദിച്ചു.

കിഫ്​ബിക്കെതിരായ സി.എ.ജി റി​േപ്പാർട്ട്​ ഗൂഢാലോചനയുടെ ഭാഗമാണെന്ന തോമസ്​ ഐസക്കിൻെറ പ്രസ്​താവനയോട്​ പ്രതികരിക്കുകയായിരുന്നു പ്രതിപക്ഷ​ നേതാവ്​.

നിയമസഭയുടെ ​മേശപ്പുറത്ത്​ വെക്കാത്ത ഒരു റിപ്പോർട്ട്​ എവിടെ നിന്നാണ്​ ധനകാര്യമന്ത്രിക്ക്​ ലഭിച്ചത്​? സാധാരണ ഗതിയിൽ സി.എ.ജി ക​ണ്ടെത്തലുകൾ പാരഗ്രാഫായി വിവിധ ഡിപ്പാർട്ട്​മെൻറുകൾക്ക്​ നൽകാറുണ്ട്​. അവർ നൽകുന്ന മറുപടികൾ പരിശോധിച്ചും ചർച്ചകൾക്ക്​ ശേഷവും റിപ്പോർട്ട്​ തയാറാക്കി നിയമസഭയുടെ മേശപ്പുറത്ത്​ വെക്കുമ്പോഴാണ്​ പൊതുജനങ്ങൾ അറിയുന്നത്​. ധനകാര്യമന്ത്രി ഗുരുതരമായ ചട്ടലംഘനമാണ്​ നടത്തിയതെന്നും ​പ്രതിപക്ഷ നേതാവ്​ ആരോപിച്ചു.

അന്തിമരൂപമാവാത്തതും നിയമസഭയുടെ മേശപ്പുറത്ത്​ വെക്കാത്തതുമായ ഒരു റിപ്പോർട്ട്​ മന്ത്രിക്ക്​ എങ്ങനെ പ്രസിദ്ധപ്പെടുത്താൻ സാധിക്കുമെന്നും അ​േദ്ദഹം ചോദിച്ചു. ഭരണഘടനയു​ടെ 151ാം ആർട്ടിക്കിൾ അനുസരിച്ച്​ കേന്ദ്ര സർക്കാറിൻെറ വരവ്​ ചെലവ്​ കണക്കുകൾ രാഷ്​ട്രപതിക്കും സംസ്ഥാന സർക്കാറിനെ സംബന്ധിച്ച റിപ്പോർട്ടുകൾ ഗവർണർക്കും സി.എ.ജി സമർപ്പിക്കണം. ഗവർണർക്ക്​ വേണ്ടി ധനകാര്യമന്ത്രി ഈ റി​പ്പോർട്ട്​ നിയമസഭക്ക്​ മ​​ുമ്പിൽ വെക്കും. ഭരണഘടനാപരമായി ഇക്കാര്യം നിറവേറ്റാൻ ബാധ്യസ്ഥനായ ധനകാര്യ മ​ന്ത്രി അത്​ ചോർത്തി പത്രസമ്മേളനം നടത്തി കാ​ര്യങ്ങൾ വിശദീകരിക്കുകയായിരുന്നെന്നും ചെന്നിത്തല പറഞ്ഞു.

സി.എ.ജി റി​േപ്പാർട്ട്​ നിയമസഭയിൽ വെക്കുന്നതുവരെ ഈ വിവരങ്ങൾ രഹസ്യമായി സൂക്ഷിക്കണമെന്ന്​ കാണിച്ച്​ അക്കൗണ്ടൻറ്​ ജനറൽ 2013 മെയ്​ 14ന്​ സർക്കുലർ ഇറക്കിയിരുന്നു. ഈ വിവരങ്ങൾ പുറത്തുവിടുന്നത്​ നിയമസഭയു​െട അവകാശ ലംഘനമാണ്​. അവകാശ ലംഘനത്തിനെതിരെ പ്രതിപക്ഷം ധനകാര്യമന്ത്രിക്കെതിരെ നോട്ടീസ്​ നൽകുമെന്നും അദ്ദേഹം​ വ്യക്തമാക്കി.

കിഫ്​ബിയിലും ധനകാര്യ വകുപ്പിലും നടക്കുന്ന കൊള്ളകളും അഴിമതികളും സി.എ.ജി കണ്ടെത്തുന്നുവെന്നതുകൊണ്ടാണ്​ ധനകാര്യമന്ത്രിക്ക്​ ഹാലിളകുന്നതെന്നും ചെന്നിത്തല പറഞ്ഞു.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com