Friday, May 3, 2024
Google search engine
HomeSportsഎം.എസ്​. ധോണി അന്താരാഷ്​ട്ര ക്രിക്കറ്റിൽനിന്ന്​ വിരമിച്ചു

എം.എസ്​. ധോണി അന്താരാഷ്​ട്ര ക്രിക്കറ്റിൽനിന്ന്​ വിരമിച്ചു

റാഞ്ചി: ഇന്ത്യൻ ക്രിക്കറ്റ് ടീം​ മുൻ നായകൻ മഹേന്ദ്ര സിങ്​ ധോണി അന്താരാഷ്​ട്ര ക്രിക്കറ്റിൽനിന്ന്​ വിരമിച്ചു. ശനിയാഴ്​ച വൈകുന്നേരം ഇൻസ്​റ്റാഗ്രാമിലൂടെയാണ്​ വിരമിക്കൽ പ്രഖ്യാപനം നടത്തിയത്​. ‘നിങ്ങളുടെ പിന്തുണക്കും സ്​നേഹത്തിനും നന്ദി, 1929 മണിക്കൂറായിട്ട്​ ഞാൻ വിരമിച്ചതായിട്ടാണ്​ കണക്കാക്കുന്നത്​’ -ധോണി ഇൻസ്​റ്റാഗ്രാമിൽ കുറിച്ചു. ഇതോടെ സംഭവ ബഹുലമായ 16 വർഷത്തെ അന്താരാഷ്​ട്ര കരിയറിനാണ്​ വിരാമമാകുന്നത്​. അതേസമയം, അടുത്ത മാസം തുടങ്ങുന്ന ഐ.പി.എല്ലിൽ ചെന്നൈയുടെ ‘തല’യായി ധോണിയുണ്ടാകും.

2004ൽ ബംഗ്ലദേശുമായുള്ള ഏകദിന പരമ്പരയിൽ നീളൻ മുടിയുമായി അരങ്ങേറ്റം കുറിച്ച ധോണിക്ക്​ പിന്നീട്​ തിരിഞ്ഞുനോക്കേണ്ടി വന്നിട്ടില്ല. 2005ൽ​ വിശാഖപട്ടണത്ത്​ പാകിസ്​താനുമായുള്ള മത്സരത്തിലായിരുന്നു ധോണി ടീമിൽ ഇരിപ്പുറപ്പിച്ചത്​. 123 പന്തുകളിൽ നിന്നും നാലു സിക്​സറുകളും 15 ബൗണ്ടറികളുമടക്കം 148 റൺസ്​ കുറിച്ച​ ധോണി ഇന്ത്യയെ കൂറ്റൻ സ്​കോറിലെത്തിച്ചു. വിക്കറ്റ്​ കീപ്പർമാരെ മാറിമാറി പരീക്ഷിച്ചികൊണ്ടിരിക്കുന്ന ഇന്ത്യൻ ക്രിക്കറ്റിൽ മറ്റൊരു പേരുപോലും പരിഗണനക്ക്​ വരാതെ ധോണി വാഴ്​ച അവിടെ തുടങ്ങുകയായിരുന്നു. ആ വർഷം തന്നെ ശ്രീലങ്കക്കെതിരെ നേടിയ 183 റൺസാണ്​ ധോണിയുടെ ഏകദിനത്തിലെ മികച്ച സ്കോർ.

ടീം ആദ്യം ബാറ്റ്​ ചെയ്യു​േമ്പാൾ അവസാന ഓവറുകളിൽ റൺനിരക്കുയർത്തിയും ചേസിങ് ഘട്ടത്തിൽ വിക്കറ്റ്​ നഷ്​ടപ്പെടുത്താതെ ടീമിനെ വിജയതീരത്തോടുപ്പിച്ചും ധോണി ഇന്ത്യയുടെ എക്കാലത്തേയും മികച്ച ഫിനിഷറെന്ന ഖ്യാതി സ്വന്തം പേരിലാക്കുകയായിരുന്നു. ഞൊടിയിടക്കുള്ളിൽ എതിരാളിയുടെ സ്​റ്റംപ്​​ പിഴുതും പറന്നുപിടിച്ചും കീപ്പിങ്ങിലും ധോണിസം പുറത്തുകാട്ടി.

2007 ഏകദിന ലോകകപ്പിലെ ദയനീയ പ്രകട​നത്തോടെ രാഹുൽ ദ്രാവിഡ്​ ക്യാപ്​റ്റൻ സ്ഥാനം ഒഴിഞ്ഞ കാലം. ദക്ഷിണാഫ്രിക്കയിൽ നടക്കുന്ന ട്വൻറി 20 ലോകകപ്പിൽ ഇന്ത്യയെ നയിക്കാനുള്ള ചുമതല ധോണിയെ ഏൽപ്പിച്ചപ്പോൾ നെറ്റിചുളിച്ചവർ നിരവധിയായിരുന്നു. പക്ഷേ ഒരു പറ്റം യുവതാരങ്ങളെയും കൊണ്ട്​ കുട്ടിക്രിക്കറ്റിലെ ലോകകിരീടവുമായാണ്​ ധോണി തിരികെ​െയത്തിയത്​.

പതിയെ മൂന്ന്​ ഫോർമാറ്റിലും ടീമിൻെറ നായകനായ ധോണി ഇന്ത്യൻ ക്രിക്കറ്റിനെ പലകുറി ഉന്മാദത്തോളമെത്തിച്ചു. ഏകദിന ക്രിക്കറ്റ്​ ലോകകപ്പും ഐ.സി.സി ചാമ്പ്യൻസ്​ ട്രോഫിയുമടക്കമുള്ള തിളക്കമുള്ള കിരീടങ്ങളാൽ ബി.സി.സി​.ഐ അലമാരയെ പലകുറി മിന്നിത്തിളങ്ങിച്ചു. ടീമിലെ ഒറ്റയാനായി വളർന്ന ധോണി ടീമംഗങ്ങളെ തിരഞ്ഞെടുക്കുന്നതിൽ പക്ഷപാതിത്വം കാണിക്കുന്നുവെന്ന്​ ആരോപണം ഉയർന്നെങ്കിലും വിജയങ്ങളിലൂടെ എതിരാളികളുടെ വായടപ്പിക്കുകയായിരുന്നു.

ഒടുവിൽ അനിവാര്യമായ സമയത്ത്​ കപ്പിത്താൻെറ ചുമതല വിരാട്​ കോഹ്​ലി​യിലേക്ക്​ കൈമാറിയപ്പോഴും ടീമിലെ സൂപ്പർ ക്യാപ്​റ്റൻ ധോണി തന്നെയായിരുന്നു എന്നത്​ പരസ്യമായ രഹസ്യമാണ്​. ഐ.പി.എൽ ആദ്യ സീസൺ മുതൽ ചെന്നൈ സൂപ്പർകിങ്​സിൻെറ മഞ്ഞജഴ്​സിയിൽ കളത്തിലിറങ്ങിയ ധോണി തൻെറ രാജവാഴ്​ച അവിടെയും ​തുടർന്നു. ഇടക്കാലത്ത്​ കോഴവിവാദത്തിൽ പെട്ട്​ ചെന്നൈക്ക്​ വിലക്ക്​ നേരിട്ട​തോടെ പൂനെ സൂപ്പർ ജയൻറ്​സിനായി കളത്തിലിറങ്ങിയിരുന്നു. വിലക്ക്​ മാറിയതോടെ മഞ്ഞക്കുപ്പായത്തിലേക്ക്​ മടങ്ങിയെത്തിയ ധോണി ചെ​െന്നെയെ വീണ്ടും ചാമ്പ്യന്മാരാക്കി. സ്ഥിരതയാർന്ന പ്രകടനത്തിലൂടെ ചെന്നൈക്ക്​ തുടർവിജയങ്ങൾ നൽകിയ ധോണിയെ ആരാധകർ തലയെന്ന്​ വിളിച്ചു.

2019 ക്രിക്കറ്റ്​ ലോകകപ്പിൽ മാർട്ടിൻ ഗുപ്​റ്റിലിൻെറ ഉന്നംതെറ്റാത്ത ഏറിൽ റൺഔട്ടായി ഈറൻ കണ്ണുകളോ​ടെ മടങ്ങിയ ധോണിയുടെ മുഖം ക്രിക്കറ്റ്​ മസ്​തിഷ്​കങ്ങളിൽ നിന്നും ഇനിയും മാഞ്ഞിട്ടില്ല. അതിനുശേഷം ഇന്ത്യൻ കുപ്പായത്തിൽ ധോണിയെ ആരും കണ്ടിട്ടില്ല. ഇപ്പോൾ വിരമിക്കൽ പ്രഖ്യാപനവും എത്തി.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com