Wednesday, July 17, 2024
Google search engine
HomeSports'​അതേ, ഈ കണ്ണുനീർ തുള്ളികൾ തന്നെ തള്ളിക്കളഞ്ഞവർക്കുള്ള മറുപടി കൂടിയാണ്​'

‘​അതേ, ഈ കണ്ണുനീർ തുള്ളികൾ തന്നെ തള്ളിക്കളഞ്ഞവർക്കുള്ള മറുപടി കൂടിയാണ്​’

കാലം എല്ലാത്തിനും സാക്ഷിയാണ്​. 2018 റഷ്യൻ ലോകകപ്പ്​ ഫുട്​ബാൾ ഓർമയില്ലേ. മനോഹര കളിയുമായി സ്​പെയ്​ൻ ആദ്യ റൗണ്ട്​ പിന്നിട്ട സമയം. വൈകീട്ട്​ ഒരു സ്​പാനിഷ്​ മാധ്യമം ‘ഞെട്ടിക്കുന്ന’ വാർത്ത പുറത്തുവിട്ടു. ‘ലോകകപ്പിനു ശേഷം സ്​പെയ്​ൻ കോച്ച്​ ജൂലൻ ലോപറ്റഗെയ്​ റയൽ മഡ്രിഡ്​ പരിശീലകനായി ചുമതലയേൽക്കും’. വാർത്ത പരന്ന പാടെ, സ്​പാനിഷ്​ ക്യാമ്പിൽ അസ്വാരസ്വങ്ങൾ ഉണർന്നു. റയൽ മഡ്രിഡ്​ കോച്ചാകാൻ പോകുന്ന ആളുടെ കീഴിൽ കളിക്കാൻ സന്നദ്ധമല്ലെന്ന്​ ചില ബാഴ്​സലോണ താരങ്ങൾ പ്രതികരിച്ചു. ഉടൻ തന്നെ സ്​പാനിഷ്​ ഫുട്​ബാൾ അസോസിയേഷൻെറ തീരുമാനവും പുറത്തു വന്നു. ദേശീയ മത്സരങ്ങൾക്കിടെ ക്ലബുമായി കരാർറിലേപ്പെടാൻ ശ്രമിച്ച കോച്ച്​ ജൂലൻ ലോപറ്റഗെയെ പുറത്താക്കുന്നു!

നാണം കെട്ട ജൂലൻ ലോപറ്റഗെയി റഷ്യ വിട്ടു നാട്ടിലേക്ക്​ തിരിച്ചു. എന്നാൽ, വാർത്ത തെറ്റായിരുന്നില്ല. ലോകകപ്പിനു ശേഷം സിനദിൻ സിദാൻെറ പിൻഗാമിയായി ജൂലൻ ലോപറ്റഗെയ്​ റയലിൽ ചുമതലയേറ്റു. എന്നാൽ, ആ മനുഷ്യൻെറ തലവര പിന്നെയും​ ശരിയായില്ല. സിദാൻ പടുത്തുയർത്തിയ ആ ടീമിനെ നയിക്കാനാവാതെ മാസങ്ങൾക്കുള്ളിൽ റയലിൽ നിന്നും പുറത്തായി. ഇരട്ട പ്രഹരം ജൂലൻ ലോപറ്റഗെയെ ഏൽപിച്ച ആഘാതം ചെറുതായിരുന്നില്ല.

ഫുട്​ബാൾ ലോകം ഒന്നടങ്കം അയാളെ കളിയാക്കി. പക്ഷേ, ആ പരിഹാസങ്ങളെ വെല്ലുവിളിയായി ജൂലൻ ലോപറ്റഗെയ് ഏറ്റെടുത്തു. സെവിയ്യയുടെ കോച്ചായി ചുമതലയേറ്റെടുത്ത അദ്ദേഹം, തന്നെ കളിയാക്കിയവർക്ക്​ യൂവേഫ യൂറോപ്പ ലീഗ്​ കിരീടം നേടിയാണ്​ മറുപടി പറഞ്ഞത്​.

ഇൻറർ മിലാനെതിരായ മത്സരത്തിൽ അവസാന വിസിൽ മുഴങ്ങിയപ്പോൾ ജൂലൻ ലോപറ്റഗെയ് പൊട്ടിക്കരഞ്ഞത്​ തൻെറ സമർപ്പണത്തിന്​ സമയം ഒട്ടും വൈകാതെ അംഗീകരം ലഭിച്ചതിനാലായിരുന്നു. രണ്ടു വർഷം മുമ്പ്​ തല താഴ്​ത്തി മടങ്ങിയ അയാൾക്ക്​ ഒടുവിൽ ഫുട്​ബാൾ ലോകം​ കൈയടിച്ചു.

ഫൈനൽ പോരാട്ടത്തിൽ 3-2നായിരുന്നു ഇൻറർ മിലാനെ ജൂലൻ ലോപറ്റഗെയു​െട സെവിയ്യ തോൽപിച്ചത്​

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com