Wednesday, July 17, 2024
Google search engine
Homemovieസ്വജനപക്ഷപാതം; കങ്കണ പറഞ്ഞതെല്ലാം പച്ചക്കള്ളം​, പഴയ അഭിമുഖം കുത്തിപ്പൊക്കി നെറ്റിസൺസ്

സ്വജനപക്ഷപാതം; കങ്കണ പറഞ്ഞതെല്ലാം പച്ചക്കള്ളം​, പഴയ അഭിമുഖം കുത്തിപ്പൊക്കി നെറ്റിസൺസ്

ന്യൂഡൽഹി: ബോളിവുഡിൽ സ്വജനപക്ഷപാതവും പണത്തിൻെറയും സ്വാധീനത്തിൻെറയും അടിസ്​ഥാനത്തിലുള്ള വിവേചനവുമുണ്ടെന്ന്​ നിരന്തരം തുറന്നുപറയുന്ന താരമാണ്​ കങ്കണ റണാവത്ത്​. ഇതി​െൻറ പേരിൽ കരൺ ജോഹർ, ആലിയ ഭട്ട്​, സോനം കപൂർ തുടങ്ങിയ താരങ്ങളെയും കപൂർ, ഖാൻ കുടുംബങ്ങളെയും നിരന്തരം അധിക്ഷേപിച്ച് അവർ രംഗത്തെത്താറുണ്ട്​. പ്രശസ്​ത നടൻ സുശാന്ത്​ സിങ്ങി​െൻറ മരണത്തിന്​ ശേഷം നിരവധി വിവാദ പ്രസ്​താവനകളും താരം നടത്തുകയുണ്ടായി.

എന്നാൽ, പത്തുവർഷം മുമ്പ്​ കങ്കണ സ്വജനപക്ഷപാതത്തെ അന്തമായി അനുകൂലിച്ചിരുന്ന താരമായിരുന്നുവെന്ന്​ കണ്ടെത്തിയിരിക്കുകയാണ്​ സോഷ്യൽ മീഡിയ. വർഷങ്ങൾക്ക്​ മുമ്പ്​ താരം നൽകിയ ഒരു അഭിമുഖത്തി​െൻറ വിഡിയോ ഇപ്പോൾ ട്വിറ്ററടക്കമുള്ള പ്ലാറ്റ്​ഫോമുകളിൽ വൈറലാവുകയാണ്​. നടി മിനി മാതുർ ആണ്​ വിഡിയോ പങ്കുവെച്ചിരിക്കുന്നത്​. ബോളിവുഡിൽ എത്തിയതുമുതൽ നെപ്പോട്ടിസത്തെ എതിർക്കുന്ന താരമാണ്​ താനെന്ന കങ്കണയുടെ അവകാശവാദങ്ങൾ പച്ചക്കള്ളമാണെന്നാണ്​ നെറ്റിസൺസ്​ അഭിപ്രായപ്പെടുന്നത്​.

മാധ്യമ പ്രവർത്തകയായ അന്ന എംഎം വെട്ടിക്കാട്​ ട്വിറ്ററിൽ അപ്​ലോഡ്​ ചെയ്​ത വിഡിയോയിൽ കങ്കണ ബോളിവുഡിലെ ‘സ്റ്റാർ കിഡ്​സിന്​’ ലഭിക്കുന്ന പ്രത്യേക പരിഗണന നിസാരവത്​കരിക്കുന്നതായി കാണാം. “എ​െൻറ അച്ഛന്‍ വ്യവസായിയാണ്, അമ്മ അധ്യാപികയും, മുത്തശ്ശന്‍ ഐ.എ.എസ് ഓഫീസറും മുതുമുത്തശ്ശന്‍ സ്വാതന്ത്ര സമരസേനാനിയുമായിരുന്നു. അതിനാല്‍ പ്രീ മെഡിക്കല്‍ ടെസ്റ്റിന് വിധേയയായപ്പോള്‍ എനിക്ക് പ്രത്യേക ക്വാട്ടയുണ്ടായിരുന്നു. അത്തരത്തിലുള്ള ഒരു കുടുംബത്തില്‍ നിന്ന് വരുന്നത് കൊണ്ടാണ്​ എനിക്ക്​ അത്​ ലഭിച്ചത്​. ബോളിവുഡിലേക്ക് വരുമ്പോള്‍ അവിടുത്തെ സൂപ്പർ താരങ്ങളുടെ മക്കള്‍ക്ക് 30 ശതമാനം ക്വാട്ടയുണ്ടെന്ന ബോധ്യമുണ്ടായിരുന്നു.” -കങ്കണ വീഡിയോയില്‍ പറയുന്നു.

‘വൗ അത്​ മികച്ച ഒരു വഴിത്തിരിവാണ്​… ഇൗ സ്​ത്രീയെ ഞാൻ സ്​നേഹിക്കുന്നു… വലിയ ആരാധികയുമാണ്​…’ വിഡിയോ പങ്കുവെച്ചുകൊണ്ട്​ നടി മിനി മാതുർ പരിഹാസ രൂപേണ കുറിച്ചു. സുശാന്തി​െൻറ മരണത്തിന് പിന്നാലെ​ തപസി പന്നു, സ്വര ഭാസ്​കർ, ആയുഷ്​മാൻ ഖുറാന, അനുരാഗ്​ കശ്യപ്​ തുടങ്ങിയവരെയും കങ്കണ നിരന്തരം വിമർശിച്ചിരുന്നു. അവർ സ്വജനപക്ഷപാതമുള്ള ബോളിവുഡ്​ താരങ്ങളുമായി സഹകരിക്കുന്നതായിരുന്നു കങ്കണയുടെ പ്രശ്​നം. എന്നാൽ കങ്കണയുടെ ആരോപണങ്ങളെ തള്ളി തപസി രംഗത്തുവന്നിരുന്നു.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com