സംസ്​ഥാനത്ത്​ സാമൂഹിക അകലം പാലിക്കല്‍ കര്‍ശനമായി നടപ്പാക്കും

ജില്ല ​െപാലീസ് മേധാവിമാര്‍ക്കും ഡി.ജി.പി ഇതുസംബന്ധിച്ച നിര്‍ദേശം നല്‍കി

തി​രു​വ​ന​ന്ത​പു​രം: പൊ​തു​സ്ഥ​ല​ങ്ങ​ളി​ല്‍ ജ​ന​ങ്ങ​ള്‍ സാ​മൂ​ഹി​ക അ​ക​ലം പാ​ലി​ക്കു​ന്നു​വെ​ന്ന് ഉ​റ​പ്പാ​ക്കാ​ന്‍ ഡി.​ജി.​പി ലോ​ക്നാ​ഥ് ബെ​ഹ്റ ജി​ല്ല ​െപാ​ലീ​സ് മേ​ധാ​വി​മാ​ര്‍ക്ക്​ നി​ർ​ദേ​ശം ന​ല്‍കി. ലോ​ക്​​ഡൗ​ണി​ല്‍ ഇ​ള​വ്​ പ്ര​ഖ്യാ​പി​ച്ച​തി​നെ​ത്തു​ട​ര്‍ന്ന് ബ​സ് ​സ്​​റ്റോ​പ്,  മാ​ര്‍ക്ക​റ്റ് തു​ട​ങ്ങി​യ പൊ​തു​സ്ഥ​ല​ങ്ങ​ളി​ല്‍ സാ​മൂ​ഹി​ക അ​ക​ലം പാ​ലി​ക്കാ​തെ ജ​ന​ങ്ങ​ള്‍ കൂ​ട്ടം​കൂ​ടു​ന്ന​ത് ശ്ര​ദ്ധ​യി​ല്‍പെ​ട്ട​തി​നെ​ത്തു​ട​ര്‍ന്നാ​ണി​ത്.

  സം​സ്ഥാ​ന​ത്തെ എ​ല്ലാ ന​ഗ​ര​ങ്ങ​ളി​ലും ക​ണ്‍ട്രോ​ള്‍ റൂം ​വാ​ഹ​ന​ങ്ങ​ള്‍ ഉ​ള്‍പ്പെ​ടെ മൂ​ന്ന് പ​ട്രോ​ളി​ങ്​ വാ​ഹ​ന​ങ്ങ​ള്‍ ഇ​തി​നാ​യി മാ​ത്രം ഉ​പ​യോ​ഗി​ക്കും. സാ​മൂ​ഹി​ക അ​ക​ലം പാ​ലി​ക്കാ​തെ ജ​ന​ങ്ങ​ള്‍ കൂ​ട്ടം​കൂ​ടു​ന്ന സ്ഥ​ല​ങ്ങ​ളി​ല്‍ മൈ​ക്ക് അ​നൗ​ണ്‍സ്മ​െൻറ് ന​ട​ത്തി ബോ​ധ​വ​ത്​​ക​രി​ക്കും.

പ​ട്രോ​ളി​ങ്​ വാ​ഹ​ന​ങ്ങ​ളി​ല്‍ വ​നി​ത പൊ​ലീ​സ് ഉ​ദ്യോ​ഗ​സ്ഥ​രു​ടെ സേ​വ​നം ല​ഭ്യ​മാ​ക്കും. തി​രു​വ​ന​ന്ത​പു​രം ന​ഗ​ര​ത്തി​ൽ കോ​വി​ഡ് രോ​ഗ​ബാ​ധ വ​ർ​ധി​ക്കു​ന്ന സാ​ഹ​ച​ര്യ​ത്തി​ല്‍ പൊ​ലീ​സ് പ​രി​ശോ​ധ​ന ക​ര്‍ശ​ന​മാ​ക്കാ​നും നി​യ​ന്ത്ര​ണ​ങ്ങ​ള്‍ ന​ട​പ്പാ​ക്കാ​നും സി​റ്റി പൊ​ലീ​സ് ക​മീ​ഷ​ണ​ര്‍ക്കും ക്ര​മ​സ​മാ​ധാ​ന​വി​ഭാ​ഗം ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ര്‍ക്കും പ്ര​ത്യേ​ക നി​ര്‍ദേ​ശ​വും ന​ല്‍കി​യി​ട്ടു​ണ്ട്.