Saturday, April 20, 2024
Google search engine
HomeIndiaമയക്കുമരുന്ന്​ കേസ്​: അന്വേഷണം ​രാഷ്​ട്രീയതലത്തിലേക്ക്​, പ്രതിപ്പട്ടികയിൽ മുൻ മന്ത്രിയുടെ മകനും

മയക്കുമരുന്ന്​ കേസ്​: അന്വേഷണം ​രാഷ്​ട്രീയതലത്തിലേക്ക്​, പ്രതിപ്പട്ടികയിൽ മുൻ മന്ത്രിയുടെ മകനും

ബംഗളൂരു: മയക്കുമരുന്നുകേസിൽ നാർകോട്ടിക്സ്​​ കൺട്രോൾ ബ്യൂറോ (എൻ.സി.ബി)യുടെയും ബംഗളൂരു പൊലീസിലെ​ സെൻട്രൽ ക്രൈംബ്രാഞ്ചിെൻറ​ (സി.സി.ബി)യും സമാന്തര അന്വേഷണം രാഷ്​ട്രീയതലത്തിലേക്ക് നീളുന്നു​. മുംബൈയിൽ എൻ.സി.ബി രജിസ്​റ്റർ ചെയ്​ത മയക്കുമരുന്ന്​ കേസിൽ കോൺഗ്രസ്​ നേതാവി​െൻറ മകനെ ചോദ്യംചെയ്യും. ബംഗളൂരു കോർപറേഷനിലെ കോൺഗ്രസ്​ കൗൺസിലർ കേശവമൂർത്തിയുടെ മകൻ യശസ്സിന്​​ തിങ്കളാഴ്​ച രാവിലെ 11ന്​ മുംബൈ എൻ.സി.ബി ഒാഫിസിൽ ഹാജരാവാൻ നോട്ടീസ്​ നൽകി.

ഞായറാഴ്​ച മുംബൈയിലെയും ബംഗളൂരുവിലെയും എൻ.സി.ബി ഉദ്യോഗസ്ഥരുടെ നേതൃത്വത്തിൽ കേശവമൂർത്തിയുടെ ബംഗളൂരു മഹാലക്ഷ്​മിപുരത്തെ വീട്ടിൽ റെയ്​ഡ്​ നടന്നു. ഇൗ സമയം യശസ്സ്​ വീട്ടിലുണ്ടായിരുന്നില്ല. മകൻ മും​ൈബയിലാണെന്ന്​ പിതാവ്​ അന്വേഷണ സംഘത്തെ അറിയിച്ചു.

അതേസമയം, സി.സി.ബി അന്വേഷിക്കുന്ന ബംഗളൂരു മയക്കുമരുന്ന്​ കേസ്​ കർണാടകയിലെ ബി.ജെ.പി സർക്കാറിനെയും പ്രതിരോധത്തിലാക്കി​. അറസ്​റ്റിലായ നടി രാഗിണി ദ്വിവേദി ബി.ജെ.പിയുടെ തെരഞ്ഞെടുപ്പ്​ പ്രചാരണത്തിൽ പ​െങ്കടുക്കുന്നതി​െൻറ ചിത്രങ്ങൾ പുറത്തുവന്നു. നടിയും ബി.ജെ.പി നേതാക്കളും തമ്മിലെ ബന്ധവും അന്വേഷണവിധേയമാക്കണമെന്ന്​ കോൺഗ്രസ്​ ആവശ്യപ്പെട്ടു.

അന്തരിച്ച ജനതാദൾ നേതാവും മുൻ കർണാടക മന്ത്രിയുമായ ജീവരാജ്​ ആൽവയുടെ മകൻ ആദിത്യ ആൽവ (31) പ്രതിപ്പട്ടികയിലുൾപ്പെട്ടതാണ്​ മറ്റൊരു വിവാദം​. ബോളിവുഡ്​ നടൻ വിവേക്​ ഒബ്​റോയിയുടെ ഭാര്യാസഹോദരൻ കൂടിയാണ്​ ആദിത്യ ആൽവ. പ്രിയങ്ക ആൽവയാണ്​ ഒബ്​റോയിയുടെ ഭാര്യ. ആദിത്യയുടെ മാതാവ്​ നന്ദിനി ആൽവ ജെ.ഡി.എസ്​ സ്ഥാനാർഥിയായി 2014ൽ ലോക്​സഭ തെരഞ്ഞെടുപ്പിൽ മത്സരിച്ചിരുന്നു.

മയക്കുമരുന്ന്​ കേസിൽ സംസ്ഥാനത്തെ ഉന്നത രാഷ്​ട്രീയ കുടുംബത്തിലെ അംഗത്തിന്​ ബന്ധമുണ്ടെന്ന്​ ആദിത്യയുടെ പേരുസൂചിപ്പിക്കാതെ കന്നട ഫിലിം വിതരണക്കാരനായ പ്രശാന്ത്​ സംപറഗി വെളിപ്പെടുത്തിയിരുന്നു. കഴിഞ്ഞ ആഗസ്​റ്റിൽ കർണാടകയിലെ ഒരു രാഷ്​ട്രീയ നേതാവി​െൻറ അസോസിയേറ്റി​നായി ആന്ധ്ര​യിൽനിന്ന്​ 204 കിലോ കഞ്ചാവ്​ കടത്തുന്നത്​ സംബന്ധിച്ച്​ സി.സി.ബിക്ക്​ രഹസ്യവിവരം ലഭിച്ചതിനെ തുടർന്നുള്ള അന്വേഷണമാണ്​ ബംഗളൂരു കേന്ദ്രമായി പ്രവർത്തിക്കുന്ന വൻ മയക്കുമരുന്ന്​ ഇടപാടുകളെ കുറിച്ച വിവരങ്ങൾ പുറത്തുവരാൻ സഹായിച്ചത്​.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com