Saturday, April 20, 2024
Google search engine
HomeUncategorizedനോട്ട് അസാധുവാക്കൽ: പിഴച്ചത് ആസൂത്രണം; പ്രത്യാഘാതം തുടരില്ല

നോട്ട് അസാധുവാക്കൽ: പിഴച്ചത് ആസൂത്രണം; പ്രത്യാഘാതം തുടരില്ല

കൊച്ചി ∙ നോട്ട് അസാധുവാക്കൽ നടപടിക്കു ദൂരവ്യാപക പ്രത്യാഘാതങ്ങളുണ്ടാകില്ലെന്നു പ്രമുഖ സാമ്പത്തിക വിദഗ്ധൻ ഡോ. സുദീപ്തോ മണ്ഡൽ. എന്നാൽ, അതുമൂലം സാധാരണ ജനങ്ങൾക്ക് ഒട്ടേറെ ദുരിതം സഹിക്കേണ്ടിവന്നു.  ഗ്രാമീണ, കാർഷിക മേഖലകൾ, ചെറുകിട വ്യവസായ മേഖല, കുറഞ്ഞ വരുമാനക്കാരായ വെള്ളക്കോളർ ജോലിക്കാർ തുടങ്ങിയവരെയാണു നോട്ട് പിൻവലിക്കൽ പ്രതികൂലമായി ബാധിച്ചത്. സാമ്പത്തിക വളർച്ചയെയും അതു പിന്നോട്ടടിച്ചു. നോട്ടുകളുടെ ദൗർലഭ്യമായിരുന്നു വലിയ പ്രതിസന്ധി സൃഷ്ടിച്ചത്.  എന്നാൽ, ആവശ്യത്തിനു പുതിയ നോട്ടുകൾ ലഭ്യമായിത്തുടങ്ങിയതോടെ പ്രശ്നങ്ങൾ ഏറെക്കുറെ അവസാനിച്ചുകഴിഞ്ഞു. നോട്ടു പിൻവലിക്കൽ നടപടി വേണ്ടത്ര ആസൂത്രണമില്ലാതെയാണു നടപ്പാക്കിയതെന്ന വിമർശനവും അദ്ദേഹം ഉയർത്തി. കഴിഞ്ഞ വർഷം മേയ് മുതൽ ഇക്കാര്യം സർക്കാർ ആലോചിച്ചതാണ്.  വേണ്ടത്ര മുൻകരുതൽ നടപടികൾ സ്വീകരിക്കുന്നതിൽനിന്ന് എന്താണു സർക്കാരിനെ തടഞ്ഞത്? ആസൂത്രണത്തിലും നടപ്പാക്കലിലും സർക്കാർ ദയനീയമായി പരാജയപ്പെട്ടു. ആവശ്യത്തിനു പുതിയ നോട്ടുകൾ അച്ചടിക്കുകയും അവ ലഭ്യമാക്കാൻ കഴിയുംവിധം എടിഎമ്മുകൾ പുനഃക്രമീകരിക്കുകയും ചെയ്തിരുന്നുവെങ്കിൽ നോട്ട് പിൻവലിക്കൽ ജനങ്ങൾക്കു ദുരിതമായി മാറില്ലായിരുന്നുവെന്ന് അദ്ദേഹം പറഞ്ഞു.  താങ്കളാണു പ്രധാനമന്ത്രിയെങ്കിൽ നോട്ടു പിൻവലിക്കലിന്റെ ദുരിതം കുറയ്ക്കാൻ എന്തു നടപടി സ്വീകരിക്കുമായിരുന്നുവെന്ന സദസിന്റെ ചോദ്യത്തിന്റെ ഉത്തരം കൂടിയായിരുന്നു അദ്ദേഹത്തിന്റെ വാക്കുകൾ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments

    WP2Social Auto Publish Powered By : XYZScripts.com