കരുവാരകുണ്ട് (മലപ്പുറം): ജനവാസ കേന്ദ്രത്തിലിറങ്ങിയ പന്നിക്കൂട്ടത്തിലെ കുട്ടികൾ കൂട്ടമായി കുഴിയിലകപ്പെട്ടു. സെപ്റ്റിക് ടാങ്കിനായി നിർമിച്ച കുഴിയിലാണ് 20 കാട്ടുപന്നിക്കുഞ്ഞുങ്ങൾ വീണത്. കരുവാരകുണ്ട് വീട്ടിക്കുന്നിലെ റിട്ട. ഡെപ്യൂട്ടി തഹസിൽദാർ കൊല്ലേപുലത്ത് ജയപ്രകാശിെൻറ പുരയിടത്തിൽ തിങ്കളാഴ്ച പുലർച്ചയാണ് സംഭവം.
ഈ ഭാഗത്ത് കാട്ടുപന്നികളുടെ ശല്യം രൂക്ഷമാണ്. അർധരാത്രിയോടെ വീടുകൾക്ക് സമീപമെത്തുന്ന ഇവ കനത്തനാശം വിതക്കാറുമുണ്ട്. കഴിഞ്ഞ ദിവസം രാത്രിയിലും പന്നിക്കൂട്ടത്തിെൻറ ശബ്ദം ഇവർ കേട്ടിരുന്നു. പുലർന്നപ്പോഴാണ് ഇവ കുഴിലകപ്പെട്ടതായി കണ്ടത്. വിവരം കിട്ടിയതിനെ തുടർന്ന് എത്തിയ വനപാലകർ ഇവയെ പുറത്തെടുത്തു.
