കാൺപൂർ: കുപ്രസിദ്ധ ഗുണ്ടാതലവൻ വികാസ് ദുബെ കൊല്ലപ്പെട്ടു. വികാസ് ദുബെയുമായി സഞ്ചരിച്ച പൊലീസ് വാഹനം അപകടത്തിൽപ്പെട്ടിരുന്നു. ഇതിനിടെ ദുബെ രക്ഷപ്പെടാൻ ശ്രമം നടത്തിയെന്നും തുടർന്ന് പൊലീസ് അദ്ദേഹത്തെ വെടിവെച്ചുവെന്നും ഇന്ത്യ ടുഡേ റിപ്പോർട്ട് ചെയ്യുന്നു .
കഴിഞ്ഞ ദിവസമാണ് മധ്യപ്രദേശിലെ ഉജ്ജയിനിലെ ക്ഷേത്രത്തിൽവെച്ച് വികാസ് ദുബെയെ പൊലീസ് അറസ്റ്റ് ചെയ്തത്. യു.പിയിൽ എട്ട് പൊലീസുകാരെ കൊലപ്പെടുത്തിയതിന് പിന്നാലെ ദുബെ ഒളിവിൽ പോകുകയായിരുന്നു.
കാൺപൂരിൽ നിന്ന് ഫരീദാബാദിലേക്കും തുടർന്ന് മധ്യപ്രദേശിലേക്കും ദുബെ സഞ്ചരിച്ചു. പരിശോധനകളൊന്നുമില്ലാതെ 1500 കിലോ മീറ്ററാണ് ദുബെ താണ്ടിയത്.
