മലപ്പുറം: കേരള കോൺഗ്രസ് ജോസ് കെ. മാണി വിഭാഗത്തെ യു.ഡി.എഫിൽനിന്ന് പുറത്താക്കിയ തീരുമാനം അംഗീകരിക്കുന്നുവെന്ന് മുസ്ലിം ലീഗ് ദേശീയ ജനറൽ സെക്രട്ടറി പി.കെ. കുഞ്ഞാലിക്കുട്ടി.
നേരത്തേ യു.ഡി.എഫ് അധികാരെപ്പടുത്തിയതുപ്രകാരം ലീഗ് ചർച്ച നടത്തിയിരുന്നു. ഇനി ചർച്ചക്കില്ല. ബുധനാഴ്ച യു.ഡി.എഫ് യോഗം ചേരുമെന്നും അതിൽ അന്തിമ തീരുമാനമെടുക്കുമെന്നും കുഞ്ഞാലിക്കുട്ടി കൂട്ടിച്ചേർത്തു.
കോട്ടയം ജില്ല പ്രസിഡൻറ് സ്ഥാനവുമായി ബന്ധപ്പെട്ട വിഷയത്തിൽ യു.ഡി.എഫ് നേരത്തേ ധാരണയിലെത്തിയിരുന്നു. ഇക്കാര്യം കേരള കോൺഗ്രസ് ജോസ് വിഭാഗത്തെ അറിയിക്കുകയും ചെയ്തിരുന്നു.
ഘടകകക്ഷികൾ വിഷയത്തിൽ തീരുമാനമെടുക്കാൻ കോൺഗ്രസിനെ ചുമതലപ്പെടുത്തിയിരുന്നു. കോൺഗ്രസ് നിലപാടാണ് യു.ഡി.എഫിേൻറതും. ലീഗിന് മറ്റൊരു അഭിപ്രായമില്ലെന്നും കുഞ്ഞാലിക്കുട്ടി പറഞ്ഞു.
