ഗൗതം ബുദ്ധ നഗറിലെ ജെവാറിൽ അന്താരാഷ്ട്ര വിമാനത്താവളത്തിന്റെ തറക്കല്ലിടൽ വ്യാഴാഴ്ച പ്രധാനമന്ത്രി നരേന്ദ്ര മോദി നിർവഹിക്കും. പൂർത്തിയാകുന്നതോടെ ഉത്തർപ്രദേശിലെ അഞ്ചാമത്തെ അന്താരാഷ്ട്ര വിമാനത്താവളമാകും ഇത്.
യുപി നിയമസഭാ തെരഞ്ഞെടുപ്പിന് ആഴ്ചകൾ മാത്രം ശേഷിക്കെ നവംബർ 25ന് ഏറെ നാളായി കാത്തിരിക്കുന്ന പദ്ധതിക്ക് ഫ്ലാഗ് ഓഫ് ചെയ്യും. ഒക്ടോബർ 20ന് ഖുഷിനഗർ രാജ്യാന്തര വിമാനത്താവളം മോദി ഉദ്ഘാടനം ചെയ്തിരുന്നു. അയോധ്യയിൽ മറ്റൊരു അന്താരാഷ്ട്ര വിമാനത്താവളം നിർമാണത്തിലാണ്.
