മുളങ്കുന്നത്തുകാവ്: ഗവ. മെഡിക്കൽ കോളജ് ആശുപത്രി കെട്ടിടത്തിന് മുകളിൽനിന്ന് ചാടാൻ ശ്രമിച്ച രോഗിയെ സുരക്ഷ ജീവനക്കാർ കീഴ്പ്പെടുത്തി. പുതുക്കാട് ആനന്ദപുരം സ്വദേശിയായ 41കാരനാണ് ശനിയാഴ്ച ഉച്ചയോടെ വാർഡിന് അരികിലുള്ള സൺഷേഡിൽനിന്ന് ചാടാൻ ശ്രമിച്ചത്.
സൺഷേഡിൽ എത്തിയ ഇയാൾ ചാടാനുള്ള തയാറെടുപ്പായിരുന്നു. അതിനിടെ മറ്റു രോഗികൾ ഇതുകണ്ട് സുരക്ഷ ജീവനക്കാരെ വിവരമറിയിച്ചു.
ഉടൻ സുരക്ഷ ജീവനക്കാരായ നിഖിലും ബിനീഷും പിന്നിലൂടെയെത്തി ഇയാളെ കീഴ്പ്പെടുത്തി. ഇയാൾ മാനസികാസ്വാസ്ഥ്യമുള്ളയാളാണെന്ന് പറയുന്നു.
