തലശ്ശേരി: ഭർതൃമതിയായ യുവതിയെ പീഡിപ്പിച്ചുവെന്ന പരാതിയിൽ യുവാവ് അറസ്റ്റിൽ. പാലയാട് അണ്ടല്ലൂർ പിലാവുള്ളതിൽ വീട്ടിൽ ദീക്ഷിതിനെയാണ് (24) ധർമടം പൊലീസ് അറസ്റ്റ് ചെയ്തത്. മട്ടന്നൂർ ചാലോട് താമസിക്കുന്ന കൊല്ലം സ്വദേശിനിയായ 24കാരി നൽകിയ പരാതിയിലാണ് അറസ്റ്റ്.
െഫബ്രുവരിയിലാണ് കേസിനാസ്പദമായ സംഭവം. മംഗലാപുരത്തുനിന്ന് തിരുവനന്തപുരത്തേക്ക് പോകുകയായിരുന്ന പരശുറാം എക്സ്പ്രസിൽവെച്ച് യുവതിയെ പീഡിപ്പിച്ചുവെന്നാണ് കേസ്. ഇവർ മുൻപരിചയക്കാരാണ്. മട്ടന്നൂർ ചാലോടുള്ള ഒരു സ്ഥാപനത്തിൽ ഇരുവരും ഒന്നിച്ച് ജോലിചെയ്തിരുന്നു. ദീക്ഷിത് ഇപ്പോൾ എറണാകുളത്ത് സ്വകാര്യ കമ്പനിയിൽ ജോലി ചെയ്തുവരുകയാണ്. അറസ്റ്റിലായ ദീക്ഷിതിനെ കോടതി റിമാൻഡ് ചെയ്തു.
