യോദ്ധയിലൂടെ മലയാളി പ്രേക്ഷകരുടെയും പ്രിയങ്കരിയായി മാറിയ പ്രശസ്ത ചലച്ചിത്ര താരം മധുബാല വീണ്ടും മലയാള ചിത്രത്തിലേക്ക്. വികൃതി എന്ന ഹിറ്റ് ചിത്രത്തിനു ശേഷം അന്ന ബെന്‍, അര്‍ജുന്‍ അശോകന്‍ എന്നിവരെ പ്രധാന കഥാപാത്രങ്ങളാക്കി എം.സി. ജോസഫ് തിരക്കഥയെഴുതി സംവിധാനം ചെയ്യുന്ന “എന്നിട്ട് അവസാനം” എന്ന ചിത്രത്തിലാണ് മധുബാല വീണ്ടും എത്തുന്നത്.
“എന്നിട്ട് അവസാനം” എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്റര്‍ യുവതാരങ്ങളായ ഫഹദ് ഫാസില്‍, ടോവിനോ തോമസ് എന്നിവർ തങ്ങളുടെ ഫേസ്ബുക്ക് പേജിടെ പുറത്തിറക്കി.
എ.ജെ.ജെ സിനിമാസിന്‍റെ ബാനറില്‍ അനന്ത് ജയരാജ് ജൂനിയര്‍, ജോബിന്‍ ജോയി എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്‍റെ ഛായാഗ്രഹണം അപ്പു പ്രഭാകര്‍ നിര്‍വഹിക്കുന്നു. എക്സിക്യൂട്ടീവ് പ്രൊഡ്യുസര്‍-സുകുമാര്‍ തെക്കെപ്പാട്ട്, പ്രൊഡക്ഷന്‍ കണ്‍ട്രോളര്‍-പ്രവീണ്‍ ബി മേനോന്‍, എഡിറ്റര്‍-സൂരജ് ഇ.എസ്, സംഗീതം-സുഷിന്‍ ശ്യാം, കല-ഗോകുല്‍ ദാസ്, മേക്കപ്പ്-രഞ്ജിത്ത് അമ്പാടി, വസ്ത്രാലങ്കാരം-സമീറ സനീഷ്, വാര്‍ത്ത പ്രചരണം-എ.എസ് ദിനേശ്.
