ചികിൽസയിലുള്ളവരുടെ എണ്ണം 9,897 ആയി കുറഞ്ഞു
ന്യൂഡൽഹി: കോവിഡ് രൂക്ഷമായി പടർന്നു പിടിച്ച ഡൽഹിക്ക് ആശ്വാസം. കോവിഡ് ബാധിച്ച് ചികിൽസയിലുള്ളവരുടെ എണ്ണം 10,000നും താഴെയായി. ഡൽഹിയിൽ കോവിഡ് ബാധിച്ചുള്ള മരണങ്ങളും കുറഞ്ഞു. കഴിഞ്ഞ 24 മണിക്കൂറിനിടെ 12 പേർ മാത്രമാണ് രോഗംബാധിച്ച് ഡൽഹിയിൽ മരിച്ചത്. കഴിഞ്ഞ ദിവസം മരണസംഖ്യ 17 ആയിരുന്നു.
1.38 ലക്ഷം പേർക്കാണ് കഴിഞ്ഞ കുറച്ച് മാസങ്ങൾക്കിടെ ഡൽഹിയിൽ കോവിഡ് ബാധിച്ചത്. ഇതിൽ 9,897 പേരാണ് നിലവിൽ ചികിൽസയിലുള്ളത്. ഇതിൽ 5,461 പേരും ചെറിയ രോഗലക്ഷങ്ങളോടെ വീട്ടുനിരീക്ഷണത്തിലാണ്.
കഴിഞ്ഞ 24 മണിക്കൂറിനിടെ 674 പേർക്കാണ് ഡൽഹിയിൽ കോവിഡ് സ്ഥിരീകരിച്ചത്. തുടർച്ചയായ നാലാം ദിവസമാണ് ഡൽഹിയിൽ രോഗികളുടെ എണ്ണം 1000ൽ താഴെയാവുന്നത്.
