കൊയിലാണ്ടി: ട്രെയിൻ തട്ടി ദമ്പതികൾ മരിച്ചു. മൂടാടി വെള്ളറക്കാട് റെയില്‍വേ സ്റ്റേഷനു സമീപം കടലൂര്‍ കോടിക്കല്‍ സ്വദേശികളായ അബ്ദുല്ല (71), ഭാര്യ അസ്മ (56) എന്നിവരാണ് മരിച്ചത്.
വൈകീട്ട് മൂന്നരയോടെയാണ് നാടിനെ ദു:ഖത്തിലാഴ്ത്തിയ സംഭവം. നന്തിയില്‍ നിന്നു നടന്നുവരികയായിരുന്ന അബ്ദുല്ല റെയില്‍പാളം മുറിച്ചു കടക്കുന്നതിനിടയില്‍ ക്ഷീണം ബാധിച്ച് ട്രാക്കില്‍ ഇരുന്നുപോയതാണെന്നാണ് സൂചന.
തൊട്ടടുത്താണ് ഇവര്‍ വാടകക്ക് താമസിക്കുന്ന വീട്. ട്രാക്കില്‍ ഇരുന്ന ഭര്‍ത്താവിനെ സഹായിക്കാനെത്തിയതായിരുന്നു അസ്മ. ഇതിനിടയിലാണ് ട്രെയിനിൻെറ വരവ്. ഇരുവരെയും ട്രെയിൻ ഇടിച്ച് തെറിപ്പിച്ചു.
